Indlela ukuhlala kwesikhathi eside okungazuzisa ngayo ibhizinisi lakho lokubungaza

Ukwamukela ukuhlala kwesikhathi eside kungaba indlela ehlakaniphile yokubungaza. Ungakwazi ukwenza imali onombono wokuthi izoba ngakanani, unciphise umsebenzi wakho wokusingatha abangenayo nabaphumayo, futhi ubungaze ngokuvumelana nezimo kakhudlwana.

Ukuhlala isikhathi eside kusiza ekugcwaliseni ikhalenda lakho ngokushesha. Kungakhathaliseki ukuthi kuyiviki (okungenani ubusuku obuyisikhombisa) noma yinyanga (okungenani ubusuku obungu-28), kunciphisa inani lezikhala phakathi kokubhukha.

Ukuhlala kwesikhathi eside kungakusiza futhi ube nombono weholo elizongena futhi kwenze lingene ngokuqhubekayo. Uma ubungaza isivakashi isikhathi esingaphezu kwenyanga, ukhokhelwa ngezitolimende ezivamile.

Ungakhuthaza ukuhlala kwesikhathi eside ngokufaka izaphulelo zamaviki nezenyanga:

1. Thepha noma uchofoze i-ayikhoni yamasethingi ekhalendeni lakho.

2. Skrola uye kokuthi Izaphulelo kuthebhu yakho ethi Ukubeka inani.

3. Khetha Iviki noma Inyanga. Uzothola isaphulelo esisikiselwayo ngokusekelwe endlini yakho nasesidingweni esikhona sezindlu ezifanayo endaweni yakini.

4. Hambisa islayida phakathi kuka-0 no-99% ukuze ulungise isaphulelo futhi ulandelele ukuthi sisishintsha kanjani isilinganiso senani lakho leviki noma lenyanga.

5. Khetha inani lesivakashi ngezansi ukuze uthole ukucazwa kwenani, okuhlanganisa noma yiziphi izindleko neholo lakho.

6. Thepha noma uchofoze okuthi Gcina ukuze usethe isaphulelo osifunayo.

Abanye aBabungazi bafuna izivakashi ezifuna ukuhlala kwesikhathi eside. Bathumela amalinki ezindlu zabo ezinkampanini zasendaweni noma kumanyuvesi anezisebenzi noma izitshudeni okungenzeka zisesha izindawo zokuhlala zesikhashana.

“Nginesifiso [sokubungaza] ukuhlala isikhathi eside kuphela,” kusho u-Patricia, uMbungazi ovelele e-Austin, eTexas. “Nginethemba lokuba yikhaya ezisebenzini ezihamba ngomsebenzi wenyanga eyodwa kuya kwezintathu.”

Ukubhukha kwesikhathi eside ngokuvamile kusho isilinganiso esiphansi sezivakashi ezingenayo neziphumayo futhi kunciphisa umsebenzi, ikakhulukazi ngokuqondene nokuthumelela izivakashi imiyalezo nasekuhlanzeni indawo yakho.

Ngokwesibonelo, aBabungazi bavame ukuchitha isikhathi esincane bekhulumisana nesethi eyodwa yezivakashi ezihlala inyanga kunezivakashi eziningi ezihlala ubusuku obumbalwa nje ngesikhathi.

Ukuze bagcine izinto zicocekile, abanye aBabungazi banikeza amasevisi okuhlanza nezinto ezidingekayo. “Nginikeza ukuhlanza kwamahhala kwamaviki wonke, ngifake amashidi ahlanzekile nezinto eziyisidingo, ukuze ngikwazi ukuqinisekisa ukuthi konke kuhamba kahle,” kusho u-Omar, uMbungazi ovelele wase-Mexico City, osebungaze imindeni nabantu abasebenzela ekhaya amaviki angaba ngu-6 ngesikhathi.

Ukuhlala kwesikhathi eside kungangena khaxa uma uzobe ungekho isikhathi eside. U-Maggie, ongumbungazi ongumsizi e-Northampton, e-Massachusetts, uthi ikhaya labazali bakhe lalihlala lingenamuntu lapho bechitha ubusika e-Puerto Rico. Uthi, “Besingenzi lutho sabe sesiqala ukusebenzisa i-Airbnb futhi sathola iholo elingu-$3,500 ngenyanga.”

Ukuhlala kwesikhathi eside nakho kungaba kuhle emiphakathini ebeka imingcele ekuqasheni kwesikhashana. Qinisekisa ukuthi iminimamu kanye nomkhawulo wokuhlala owusethayo ulandela imithetho neziqondiso zendawo.

Uma usendaweni evumela ukubhukha okufushane nokude, cabangela ukulungisa amasethingi akho ngezikhathi ezithile. Lokhu kungakusiza uhlomule esidingweni esiba khona ngezinkathi zonyaka endaweni yakini kuyilapho uheha izivakashi ukuba zibhukhe noma yibuphi ubusuku noma amaviki atholakalayo ngemva kokuhlala ngakunye kwenyanga.

Imininingwane ekulesi sihloko kungenzeka isishintshile selokhu sashicilelwa.