Izindlela ezintsha zokumenenja indlu yakho ye-Airbnb Plus
Uhlelo lwe-Airbnb Plus lwaqala ngo-2018 ukubonisa ukwazisa emakhayeni anekhwalithi esezingeni eliphezulu, ukunethezeka, nesitayela. Lapho indlu inebheji le-Airbnb Plus, kusho ukuthi indlu iphumelele ekuhlolweni okwenziwa ngokoqobo.
ABabungazi abaningi bacele indlela elula yokutshela izivakashi ngemithetho ephakeme yalolu hlelo. Ngokusekelwe embikweni wakho, senza izilungiso emakhasini ezindlu ze-Airbnb Plus ngo-February 2023.
Ushintsho luhlanganisa lokhu:
- I-Airbnb Plus ichazwa ngomusho owodwa nje, kokugqanyisiwe ngezansi nje kwesihloko sendlu yakho: “Wonke amakhaya e-Plus ayahlolwa ukuthi awekhwalithi yini.” Izivakashi zingathepha noma zichofoze ilinki ukuze zifunde kabanzi, okuveza imininingwane emayelana nohlelo ewindini elizivelelayo.
- Kulula ukuba izivakashi ziskene indlu yakho njengoba zisesha indawo yokuhlala ekahle kakhulu. Ibheji lakho le-Airbnb Plus lisavela phezulu ekhasini lakho lendlu, futhi izivakashi zingakhetha i-Airbnb Plus njengoba zihlunga imiphumela yosesho. Le dizayini entsha yekhasi iphinde ihambisane kangcono ne-Airbnb yonke, eklanywe kabusha ngonyaka odlule.
- Ungahlela kalula izinto ezengeziwe ekhasini lendlu oyifakile. Ungabhala incazelo yendlu ende kakhudlwana, ufake izici namasevisi avela ohlwini oluhlungiwe lalokho ongakhetha kukho, futhi wenze izilungiso ezithombeni zakho ngaphandle kokuthintana ne-Airbnb.
Uhlelo lwe-Airbnb Plus lutholakalela kuphela aBabungazi asebenalo kakade ibheji. Asimemi abanye ukuthi bajoyine okwamanje.
Izinyathelo ezilandelayo zaBabungazi be-Airbnb Plus
Situsa ukuba ubuyekeze indlu oyifakile ye-Airbnb Plus ngemva kokuba izinguquko ziqale ukusebenza. Ukuqinisekisa ukuthi imininingwane yakho ingeyakamuva futhi iphelele kungasiza ukuba indlu yakho ivele emiphumeleni yokusesha naseZigabeni Ze-Airbnb ezifanele.
Ukubuyekeza izici namasevisi akho
Silulungise kahle uhlu lwezinto okumelwe zenziwe oluvamile lwezici namasevisi. Kuwumqondo omuhle ukubuyekeza uhlu olunezilungiso ukuze uqinisekise ukuthi ukhethe konke indawo yakho ekunikeza izivakashi.
Uzothola ongakhetha kukho okusha, njengekhishi nomshini we-espresso. Ezinye izinto ezindala zisusiwe. Uma isici noma isevisi ongathanda ukuyigqamisa ingasekho ohlwini, ungayibonisa encazelweni yendlu yakho.
Ukubhala incazelo yendlu ekhangayo
Manje unesikhala esingenamkhawulo—kusukela ezinhlamvini ezingu-600—ukuze ubhale ngalokho okukhethekile ngendawo yakho. Ungase ufune ukunezela eminye imininingwane embalwa ethize.
Ngokwesibonelo, phawula okunye okwengeziwe okunikezayo njengoMbungazi we-Airbnb Plus, njengamalineni ekhethelo, ukulandwa esikhumulweni sezindiza lapho kwenziwe isicelo, noma ifriji elinakho konke okudingekayo.
Ukuthathwa kwezithombe ezintsha zobuchwepheshe
Ingabe usanda kwenza ushintsho endaweni yakho, ngaphakathi noma ngaphandle? Cabangela ukwenza izilungiso ezithombeni zakho ukuze ubonise izivakashi ngokuqondile lokho ezingakulindela lapho zihlala lapho.
Ungacela ukuthatha izithombe eziphrofeshinali ku-Airbnb. Uma isevisi itholakala endaweni yangakini, uzothola i-imeyili enenani elibizwayo, ongalamukela noma ulenqabe.
Uma unezithombe ezintsha, ulawula ukuthi yiziphi ozifakayo, futhi ungasusa noma yini ephelelwe yisikhathi.