Nikeza indlela yokungena elula ngethebhu evuselelwe ethi Uhambo
Okuvelele
Ithebhu ethi Uhambo inemininingwane ebalulekile yokwamukela izivakashi zakho kalula—futhi wonge isikhathi
Sidizayine kabusha ithebhu ethi Uhambo ukuze senze kube lula ngezivakashi ukungena
Qinisekisa ukuthi uyigcwalisile ingxenye ethi Imininingwane yezivakashi kuthebhu yakho ethi Izindlu
Esinye sezikhathi ezibaluleke kakhulu ohambweni ukufika, lapho izivakashi zibona indawo yakho okokuqala ngqa. Lokhu kungajabulisa, kodwa uma zingenayo imininingwane ethile, ukungena okunokungaqiniseki kungenza izivakashi zingakujabuleli konke ukuhlala kwazo—futhi kungathinta ukuphawula kwakho.
Yilapho-ke ithebhu ethi Uhambo ingena khona: Yilapho izivakashi zithola khona yonke imininingwane eziyidingayo ngaphambi kokungena endaweni yakho. Emahoreni angu-48 ngaphambi kokungena, izivakashi zizothola iziqondiso eziwusizo zokungena kuthebhu yazo ethi Uhambo ezichaza imininingwane esemqoka, njengekhodi yasemnyango nephasiwedi ye-wifi.
Ukuze kusizwe izivakashi naBabungazi bajabulele ukungena okungenazinkinga, sivuselela ithebhu ethi Uhambo ukuze sigqamise le mininingwane ikakhulukazi ngenxa yezivakashi. Siphinde safaka isibali-sikhathi emininingwaneni yazo yokubhukha ebala izinsuku ezisele kuze kube ukufika kwezivakashi, sizikhumbuze ukuba zilungele uhambo lwazo.
Ithebhu ethi Uhambo ikwenza kube lula ngezivakashi ukuba zithole le mininingwane kusikrini esisodwa—kusize wena ukuba uqinisekise ukuthi ukuhlala kwazo kuqala ngezinkanyezi ezingu-5. Funda ukuze uthole amacebiso okusiza izivakashi zakho zithole imininingwane ebalulekile.
Ukunikeza izivakashi zakho indlela yokufika kalula
Okukuqala, sidinga imininingwane ethile evela kuwe. Ingabe uzigcwalisile zonke izikhala ezingaphansi kwengxenye ethi Imininingwane yezivakashi kuthebhu yakho ethi Izindlu? Ukuze uhlole, vakashela ithebhu yakho ethi Izindlu, ukhethe indlu ozoyilungisa, bese uqinisekisa ukuthi zonke izikhala ezingaphansi kwengxenye ethi Imininingwane yezivakashi zigcwalisiwe. Kunezinkundla eziyinhloko ezingu-3 okudingeka zigcwaliswe ukuze izivakashi zakho zibe nayo yonke imininingwane yohambo lwazo
- Indlela yokuya endaweni yakho
- Iziqondiso zokungena
- Imininingwane ye-wifi
Ukuze usize ekwenzeni izinto zibe lula, usengazithumelela izivakashi umyalezo oneziqondiso eziningiliziwe noma imininingwane ebalulekile ngendawo ngaphambi kokuba zifike. Ungazamukela futhi izivakashi ngokuxhumana nazo ngocingo noma ngokoqobo ukuze uzisize zizizwe zisekhaya.
Ukufika endaweni yakho
Ukugcwalisa zonke izikhala ezingaphansi kokuthi Imininingwane yezivakashi kungasiza izivakashi zakho zithole indawo yakho ngaphandle kwezinkinga. Lokhu kuhlanganisa ikheli lakho nanoma iziphi iziqondiso ezicacile ezingaba usizo.
Ama-app ebalazwe ngokuvamile angasiza izivakashi zakho zihambe ingxenye enkulu yendlela zisebenzisa nje ikheli. Lokhu kusho ukuthi akudingeki unikeze iziqondiso zazo zonke izindawo okufanele zijike kuzo, okungase kubangele ukudideka.
Nokho, ukufaka eminye imininingwane engase ingatholakali kuma-app avamile ebalazwe kungasiza izivakashi zifike endaweni yakho. Ngokwesibonelo, uma isakhiwo sefulethi lakho sinendawo yokungena eseceleni noma unebhokisi leposi elibomvu ngokugqamile ngaphandle kwendlu yakho, kuyasiza ukuyibhala leyo mininingwane.
Indlela yokungena phakathi
Uma izivakashi zakho zithola indlu yakho, zizodinga ukwazi indlela yokuvula umnyango wakho nokungena phakathi. Ngaphansi kokuthi Imininingwane yezivakashi, ungabhala izinto ezinjengalezi:
- Indlela yakho yokungenisa izivakashi (ngokwesibonelo, i-smart lock, ibhokisi lesikhiye, noma ukwamukelwa nguwe)
- Iziqondiso zokungena ezicacile. Uma usebenzisa i-app ye-Airbnb ku-iOS noma ku-Android, ungafaka neziqondiso ezinezinyathelo zokungena ezinezithombe
Uma izivakashi zakho sezazi ukuthi zilindele ukuba uzamukele wena noma zizozingenisa zona, zama ukuzinika incazelo eyengeziwe eziqondisweni zokungena. Uma usebenzisa ikhodi yebhokisi lesikhiye evamile, ungayifaka lapha (ikhodi izonikezwa izivakashi zakho emahoreni angu-48 ngaphambi kokuba zifike). Uma isivakashi ngasinye usinikeza ikhodi ehlukile, lena indawo ekahle yokusho ukuthi ikhodi uzoyithumela eceleni ngomyalezo.
Ukuze kube lula ukuxhumana futhi kuphumelele, cabangela ukusebenzisa amathuluzi wethuwemiyalezo eshejuliwe kanye nezimpendulo ezisheshayo, akusiza ukuba uphendule izivakashi ngokushesha noma uthumele izikhumbuzo ngezikhathi ezisemqoka.
Ukuxhuma ku-wifi
Kulezi zinsuku, i-wifi iyisidingo cishe njengogesi, ngakho-ke uzofuna ukuqinisekisa ukuthi izivakashi zakho ziyithola ngokushesha. Kulula ukufaka le mininingwane ngaphansi kwemininingwane ye-Wifi engxenyeni ethi Imininingwane yezivakashi ingxenye yethebhu yakho ethi Izindlu, ehlanganisa:
- Igama lenethiwekhi ye-wifi yakho
- Iphasiwedi yakho yenethiwekhi ye-wifi
Nakuba kuwusizo ukubhala imininingwane ye-wifi kumanyuwali yendlu yakho, ukuyifaka engxenyeni ethi Imininingwane yezivakashi kungenza izivakashi ziyithole kalula ezingcingweni zazo—futhi kuzisize zixhume ku-inthanethi ngokushesha.
Siyawamukela umbiko wakho futhi sibheke phambili ekuzweni ukuthi singathuthukisa kanjani indlela yokufika kwesivakashi ngokuhamba kwesikhathi. Zizwe ukhululekile ukungena eSigungwini Sabanikazi Bezindlu usishiyele ikhomenti.
Ngokufaka le mininingwane, uzoqinisekisa ukuthi zonke izivakashi zithola imininingwane ebalulekile ngaphambi kohambo lwazo, zikhathi zonke.
Okuvelele
Ithebhu ethi Uhambo inemininingwane ebalulekile yokwamukela izivakashi zakho kalula—futhi wonge isikhathi
Sidizayine kabusha ithebhu ethi Uhambo ukuze senze kube lula ngezivakashi ukungena
Qinisekisa ukuthi uyigcwalisile ingxenye ethi Imininingwane yezivakashi kuthebhu yakho ethi Izindlu