Thuthukisa inqubo yakho ye-Airbnb ngalezi zilungiso zekhalenda
Okuvelele
Idizayini yekhalenda efaneleka kakhudlwana yenza kube lula ukubuyekeza ukubhukha kwezivakashi
Nquma ukubonisa noma ukufihla imininingwane, njengamanothi okuhlala okuzayo
NjengoMbungazi, ikhalenda lakho lingumthombo oya kuwo wakho konke ukubhukha. Yilapho umenenja khona ukutholakala kwakho, uhlola amanothi akho okuhlala okuzayo, ulungisa amanani akho, nokunye.
Ngenxa yokuthi kubaluleke kangaka ngawe ukuba uyithole kalula le mininingwane, sikhipha olunye loshintsho esilwenzile kukhalenda yedeskithophu ngonyaka odlule kumadivayisi ayimobhayili. Lokhu kulungisa kwenza ikhalenda libe lula, kunciphisa imfucuza, futhi kukunika amathuluzi anamandla angakusiza umenenje ukubhukha kwakho—nenqubo yakho yokubungaza.
Thola imininingwane ngokubuka nje
Ngaphambilini, ikhalenda lakho lalisebenzisa izinhlobonhlobo zemibala, imigqa, nama-slash ukuze liveze isteyithasi sokubhukha okuhlukahlukene. Siyishintshile idizayini ukuze sikwenze kube lula ukufunda ngokubuka nje.
Ikhalenda lakho elilungisiwe libonisa ukubhukha ngale ndlela:
- Okwamanje kuvela njengombala owodwa.
- Okwesikhathi esizayo okuqinisekisiwe kumnyama.
- Okwesikhathi esizayo okusalindile kunamachashazi amnyama.
Sithemba ukuthi lokhu kulungisa kuyakusiza uhlele kusenesikhathi, uhlele ukubhukha okutholayo, futhi ubheke amathuba okuthola ukubhukha okwengeziwe.
Khetha ukuthi yini evelayo
Siyazi ukuthi aBabungazi ngezinye izikhathi bafuna ukusebenzisa ikhalenda ukuze bagxile emininingwaneni ethile. Yingakho sinezele isici esikuvumela ukuba ubonise noma ufihle imininingwane eyinhloko, njengenani lobusuku, amaphromoshini, izinsuku ezithandwayo, namanothi okubhukha okuzayo.
Ungasebenzisa lesi sici ukuze ugxile kokubalulekile kuwe nganoma isiphi isikhathi—bese uyeka konke okunye.
Thola umbono ongcono wesikhathi eside
Ukulandelela umlando wenani lakho neshejuli ezayo kuyingxenye ebalulekile yenqubo yakho yokubungaza. Ubukhokhisa malini entwasahlobo edlule? Ingabe u-December uzoba matasa? Izimpendulo emibuzweni enjengale zingakusiza umenenje ukubhukha kwakho ngokuzethemba okukhulu.
Kudeskithophu, indlela ethuthukisiwe yokubuka ikhalenda lonyaka wonke ikuvumela ukuba uhlole ukutholakala kwesikhathi eside, ubuyekeze amanani obusuku adlule, ulungise amanani namaphromoshini esikhathi esizayo, nokunye.
Siphinde sashintsha ubude besikhathi sokusetha ukutholakala kwekhalenda lakho ukuze kuhambisane nakho konke ukusesha kwezivakashi okungase kwenziwe. Izivakashi ezithanda ukuhlela kusenesikhathi zingathola futhi zibhukhe ukuhlala kusasele iminyaka emibili lufike uhambo lwazo.
Konke lokhu kulungisa kuhloselwe ukukusiza uthole imininingwane oyidingayo ngesikhathi oyidinga ngaso, ukuze uqhubeke unogqozi enqubweni yakho yokubungaza ngokuphumelelayo. Uma unemibono ngokunye esingakwenza ukuze senze idizayini yekhalenda ikusebenzele kangcono, sicela usithumelele inothi.Imininingwane ekulesi sihloko kungenzeka isishintshile selokhu sashicilelwa.
Okuvelele
Idizayini yekhalenda efaneleka kakhudlwana yenza kube lula ukubuyekeza ukubhukha kwezivakashi
Nquma ukubonisa noma ukufihla imininingwane, njengamanothi okuhlala okuzayo