Ukusekela izindawo zokuhlala eziphephile zezivakashi emagunjini aphrayivethi noma ahlanganyelwayo
Okuvelele
Nikeza imithetho yendlu eningiliziwe futhi uchaze ukuthi ubani ozokwabelana ngendawo
Qinisekisa ukuthi izindawo eziphrayivethi zinezikhiye
Lungisa indlu nemithetho yendlu
Qiniseka ukuthi izindawo eziphrayivethi ziphrayivethi
Kungazwakala kuyinto okungadingeki uyitshelwe, kodwa kubaluleke ngempela ukunikeza izivakashi zakho indlela yokukhiya ikamelo lazo nanoma imaphi amagumbi okugezela ezikwazi ukungena kuwo. Uma ikamelo izivakashi zakho ezilala kulo lingenamnyango okhiywayo, faka into yokukhiya ukuze unikeze izivakashi zakho ukuthula kwengqondo.
Wonke amagumbi aphrayivethi noma ahlanganyelwayo anamafasitela kufanele abe namakhethini noma izinto zokusitha, ukuze izivakashi zakho ziphumule ngokukhululekile. Akudingeki kube yinto ebizayo—noma yini esithayo efasiteleni ilungile, uma nje izokwazi ukusitha ngokuphelele ukuze izivakashi zakho zingabonwa umuntu ongaphandle.
Yisho ukuthi ubani osendaweni yakho
Endlini yakho, yisho ngokucacile ukuthi ubani omunye okungenzeka abe sendaweni yakho—njengezinye izivakashi, Ababungazi osizana nabo, noma abangane—nokuthi mangaki amagumbi aphrayivethi noma ahlanganyelwayo owanikezayo. Uma isivakashi sibhukha indawo yakho, qiniseka ukuthi usithumelela umyalezo usitshele uma kuzobe kunomunye umuntu ohlezi noma ovakashile endlini yakho ngesikhathi silapho.
Ngokwesibonelo, uma unamagumbi amabili aphrayivethi, futhi ngalinye linendawo yesivakashi esisodwa, ungathumelela zombili izivakashi uzitshele uma kuzobe kunomunye umuntu kuleli elinye igumbi.Ungase usho into enjengokuthi, "Egumbini eliphrayivethi eliseceleni kwelakho, ngizobe ngibungaze umlisa waseNgilandi." Izivakashi zizokujabulela ukwazi ukuthi zihlezi nobani. Sicela ungathumeleli muntu imininingwane yezivakashi zakho ngaphandle kwemvume yazo.
Nikeza imithetho yendlu ecacile, eningiliziwe
Mayelana nezindawo ezihlanganyelwayo, imithetho ecacile yendlu ingasiza ekuqinisekiseni ukuthi wonke umuntu unomqondo ofanayo. Ababungazi bamagumbi aphrayivethi noma ahlanganyelwayo bangase bafune ukuphendula imibuzo elandelayo emithethweni yabo yendlu:
- Yimaphi amahora esikhathi esingenamsindo?
- Yini ehlanganyelwayo futhi yini engahlanganyelwa?
- Iyini inqubomgomo yakho ngokuqondene notshwala nezidakamizwa?
- Yini izivakashi zakho okudingeka ziyazi ngephrayivesi? Ngokwesibonelo, kuyadingeka yini ukuvala ngezinto zokusitha emafasiteleni ebusuku ukuze ezinye izivakashi zingakwazi ukubona izindawo eziphrayivethi?
Benze bakhululeke labo abahamba bebodwa
Sikhuthaza izivakashi ezizihambela zodwa ezihlala emagunjini aphrayivethi noma ahlanganyelwayo ukuba babuze imibuzo eyengeziwe ngokuhlala kwazo, futhi sikukhuthaza ukuba uphendule kahle ungafihli lutho ukuze uzisize zikhululeke.
Ngokwesibonelo, izivakashi ezihamba zodwa zingase zibuze mayelana nalokhu:
- Ukuphepha kwasendaweni. Unawo yini amacebiso ezokuphepha asebenza endaweni yakini?
- Izivakashi ezengeziwe. Yimiphi imininingwane ongayinikeza mayelana nanoma ubani omunye okungenzeka uhlala kule ndawo?
- Iphrayivesi. Ingakanani iphrayivesi izivakashi ezingayilindela endaweni yakho?
Ukuze wonke umuntu aphephe, ziphathe ngendlela efanele
Uma wamukela izivakashi endlini yakho, kusemqoka ukuba wenze izinqumo ezihlakaniphile, futhi lokhu kuyasebenza nasezivakashini zakho. Ngokwesibonelo, ungase ucabangele ukufaka inqubomgomo yotshwala nezidakamizwa emithethweni yendlu yakho uphinde ubhalele nezivakashi uma zibhukha indawo yakho.
Ukubhala ngokucacile imininingwane okulula ukuyiqonda mayelana nalokho okulindele ezivakashini nendlela oziphatha ngayo wena njengoMbungazi kuzokusiza uxhumane nezivakashi ezifanele indawo yakho. Ukuyikhuluma futhi leyo ndaba nezivakashi uma sezifikile endaweni yakho kuzozisiza zizizwe zikhululekile—futhi kusize wena uthole ukuphawula kwezinkanyezi ezingu-5.
Okuvelele
Nikeza imithetho yendlu eningiliziwe futhi uchaze ukuthi ubani ozokwabelana ngendawo
Qinisekisa ukuthi izindawo eziphrayivethi zinezikhiye
Lungisa indlu nemithetho yendlu