Ukulungisa inani namasethingi akho ukuze ahlangabezane nesidingo sendawo

Ukusabela oshintshweni lwesidingo kungaba ukhiye wempumelelo yakho njengoMbungazi. Ungakhuphula iholo lakho ngokwenza indawo yakho itholakale ngezinsuku ezithandwayo futhi ulungise inani lakho ngezinkathi zonyaka, imicimbi yendawo, namathrendi okuvakasha.

Ngonyaka odlule, izindlu ezinamanani alungiswe okungenani izikhathi ezine zazinobusuku obengeziwe obungaphezu kuka-30% obubhukhiwe kunalezo ezingazange zibhukhwe.* Ukuze uthole lawa mathuba, sihlanganise amacebiso namathuluzi, kanye nokusikisela okumbalwa okuvela kuBabungazi.

Qala ngokusesha ku-Airbnb izindlu zasendaweni ezifana neyakho. Ukunakisisa indlela nesikhathi abanye aBabungazi abalungisa ngaso amanani abo kungakusiza ufunde ukuthi yini esebenzayo endaweni okuyo. Ezinye izici eziyinhloko okufanele uzicabangele zihlanganisa:

• Amathrendi ansuku zonke. Isidingo singashintsha ngosuku lweviki, ikakhulukazi ekuhlaleni kwesikhashana. ULwesihlanu noMgqibelo uvame ukuthandwa yizivakashi ezivakashela ukungcebeleka, kanti iSonto kuya kuLwesine kungaheha izivakashi ezihamba ngebhizinisi.

• Ushintsho lwezinkathi zonyaka. Indawo ingathinta isidingo, ikakhulu ezindaweni ezidonsa izixuku ngezikhathi ezithile zonyaka. Ukubungaza phakathi nesikhathi esimatasa endaweni yakini kungakusiza uthole iholo elengeziwe.

• Izenzakalo ezikhethekile. Izinkomfa, imikhosi, nezinye izenzakalo ezinkulu zingadala isidingo esikhulu. Ukuze wazi ukuthi kwenzekani endaweni, xhumana nehhovisi lezokuvakasha, joyina amaqembu ezinkundla zokuxhumana, futhi ubhalise kumasayithi ambalwa adayisa amathikithi emicimbi. Izindawo zezindaba zasendaweni namanyuvesi nawo angaba umthombo omuhle.

Ngaphambi kokulungisa amanani akho, khumbula ukusetha ukutholakala ekhalendeni lakho ukuze indawo yakho itholakale uma ulindele ukwenyuka kwesidingo. Ungase futhi uhlole Ithebhu yamathuba uthole imibono yalokho izivakashi ezikuseshayo endaweni okuyo, okuhlanganisa izinsuku ezithandwayo nezinhlobo zezindawo zokuhlala.

Uma usuwazi kahle amathrendi endawo yakini, ungasetha amanani aqokiwe ezinsuku zaphakathi neviki, izimpelasonto, namaholide—noma ulungise isilinganiso sakho uma kusondela inkomfa noma isenzakalo esikhulu endaweni yakini.

Ukuze ubone ukuthi yini ekulungelayo wena nezivakashi zakho, zama ukusebenzisa ithuluzi lokubuyekeza inani. Ungafaka imininingwane ehlukahlukene ukuze uthole ukucazwa kwenani izivakashi ezizolikhokha nemali ozoyikhokhelwa ezimweni ezihlukahlukene.

Phakathi nezinkathi ezingematasa, izindawo eziningi endaweni yakini zingase zingabhukhwa. Zama ukuhehela izivakashi endlini yakho ngokuba nephromoshini noma ukwehlisa inani lakho.

Amanani aphansi angasiza indlu yakho ihambe phambili ekusesheni, okwenza kube lula ngezivakashi ukuba zithole futhi zibhukhe indawo yakho. Cabangela ukusungula izaphulelo zezimo ezihlukahlukene zokubhukha, okuhlanganisa:

• Izaphulelo zababhukha kuqala. Ukuvula ikhalenda lakho nokufaka isaphulelo sokubhukha kusenesikhathi kungaheha izivakashi ezihlela kusenesikhathi.

• Izaphulelo zeviki nezenyanga. Ukukhuthaza ukuhlala kwesikhathi eside ngokukunikeza ngenani eliphansi kungaqeda izikhala zesikhathi eziphakathi kokubhukha okufushane.

• Izaphulelo zomzuzu wokugcina. Ukunciphisa inani lakho njengoba usuku lokungena lusondela kungakhuphula ukubhukha futhi kunciphise ukukhansela.

Ukwazi ukuthi uzokhokhisa malini ngasiphi isikhathi kungaba ubuciko. Nanka amasu athandwayo aBabungazi abake bawazama:

• Ukuhlela kusengaphambili. “Sivame ukuthola ukubhukha kweNkathi kaNcibijane kusewu-August, ngakho qaphela futhi usethe amanani akho amaholide kusenesikhathi.” —U-Branka no-Silvia base-Zagreb, e-Croatia

• Ukusebenzisa izimfuneko zeminimamu yobusuku. “Ngibeka amanani amaholide ngeminimamu yobusuku obune, bese iNkathi kaNcibijane iba nesilinganiso esiphezulu kunazo zonke.” —U-Letti wase-Atascosa, e-Texas.

• Ukuthola ukubhukha ngezinkathi ezingematasa. “Ngisikisela ukwehlisa amanani ezinkathini zonyaka ezingematasa ukuze kungabi kubi kangako. Noma sebenzisa leso sikhathi ukuze uthuthukise noma ulungise, ngoba nakanjani kuzophinde kube matasa futhi siyobe singasekho isikhathi.” —U-Sandra wase-Daylesford, e-Australia.

• Ukulindela ukuba wenze amaphutha. “Isiqondiso sakho esingcono siwukuthi uyakuthola yini ukubhukha nokuphawula okuhle.” —U-Jeff no-Jess base-Durham, e-North Carolina

* Ngokusekelwe ezindlini emhlabeni wonke (ngaphandle kwase-China, e-Russia, nase-Ukraine) ebezinobusuku obubodwa noma ngaphezulu obutholakala kusukela ngo-January kuya ku-September 2022 futhi ebezingayivulile i-Smart Pricing. Kunezici ezengeziwe ezithinta ubusuku obubhukhiwe.

Imininingwane ekulesi sihloko kungenzeka ishintshile selokhu sashicilelwa.